ديناميكا الموائع الحسابية؟؟
(CFD)Computational Fluid Dynamics
الCFD هي بأختصار علم بيعتمد علي تحليل حركة الموائع ودراسة سلوكها بطريقة حسابية دون اللجوء الي الطرق المعملية المكلفة جدا واللي بتأخد وقت ومجهود كبير..وده الشئ المميز في العلم ده انك تقدر من خلاله انك تحصل على تقييم لشكل وحركة الموائع لأصعب التطبيقات بابسط تكلفة و اقل مجهود و وقت.
و هذا ليس فقط علي نطاق حل المشاكل الصناعية…كمان علي نطاق تطوير المنتجات وتقييم الأفكار الأبداعية الجديدة الخاصة بحركة الموائع.
تخيل انك مهندس شغال فى موقع لتوليد الكهرباء عن طريق توربينات الرياح زى منطقة الزعفرانه هنا فى مصر
وكان مطلوب منك تفكر فى انك تزود من كفائة التوربينات من خلال تطوير شكل ريش التوربينه.
هتفكر في افكار كتير وتبقى عايز تثبت صحتها وتقارن ما بينها علشان توصل لاحسن فكرة بتحقق اعلى كفائة.
أكيد الأفضل انك تعتمد على طرق حسابية تأكد بيها مدى صحة فكرتك ومدى فاعليتها بدلا من تطبيق ده علي الواقع العملي بتكلفة تصنيعية عالية ومجهود ووقت كبير.
الطرق الحسابيه كيف يتم استخدامها ؟
الإجابة ببساطه .. من خلال استخدام احد البرامج الى بتعتمد على حل المعادلات اللى بتحكم سريان الموائع بإستخدام أجهزة الكمبيوتر وده اللى دايما بنسمع عنه اللي هو برنامج المحاكاه زي برنامج الانسيس فلونت ANSYS Fluent واللى بيعتبر من اشهر البرامج وادقها فى النتائج واللى بيعتمد عليه بشكل كبير فى البحث العلمى وكذلك التطبيقات الصناعية .
ما هى المعادلات اللى بتحكم سريان الموائع ؟؟
أحد أشهر المعادلات الى كنا بندرسها في مادة ديناميكا الموائع هي (معادلة برنوللى)
المعادلة دي بتمثل علاقة تغيير السرعه مع الضغط
دى بنسميها معادلة الحركة للموائع
وغيرها الكثير من المعادلات
زى قانون حفظ الكتلة و قانون حفظ الطاقة وهكذا